Byrkjelo er ein tettstad i Gloppen kommune i Vestland. Tettstaden er ifølgje SSBs definisjon 0,5 km², og har 330 innbyggjarar (2023).
Byrkjelo ligg lengst nord i Votedalen ved vegskiljet mellom E 39 og riksveg 60 som går til høvesvis Sandane og Utvik og vidare til Stryn. Gjennom tettstaden renn Myklebustdalselva som munnar ut i Breimselva lenger sør. Byrkjelo er omgjeven av høge fjell, mellom anna Eggenipa på 1338 meter over havet.
Staden har eit større meieri og ein del småindustri. Idrettsanlegget Byrkjelo stadion er kjent frå internasjonale friidrettsarrangement og som arrangør av NM i 1988, 1999 og 2011.
Byrkjelo.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.