Laila Gustavsen

Laila Gustavsen er fødd på Ringerike. Ho tok fotterapeut-utdanning ved Åssiden videregående skole i 1992–1993 og enkeltfag ved Bedriftsøkonomisk Institutt i 1999–2001. Gustavsen arbeidde som fotterapeut i 1994–1999, deretter ved Knerten SFO på Kongsberg i 1999–2001. Ho var avdelingsleiar ved NAV på Kongsberg i 2004–2005.

Gustavsen var leiar av Ådal AUF i 1989–1991 og seinare i Kongsberg AUF. Ho var medlem av Buskerud fylkesting i 1995–1999 og fylkesutvalet i Buskerud i 1999–2003. I perioden 2004–2005 var ho medlem av Aps kvinnepolitiske styre i Buskerud, og ho vart leiar av Kongsberg Arbeidarparti i 2008.

Gustavsen var vararepresentant til Stortinget i 2001–2009 og 2013–2017. Ho var statssekretær i Arbeids- og sosialdepartementet i 2005 og i Arbeids- og inkluderingsdepartementet i 2006–2009. Gustavsen var fast stortingsrepresentant frå Buskerud i 2009–2013 og medlem av utanriks- og forsvarskomiteen.

Gustavsen var leiar av Europabevegelsen i Buskerud i 2004–2006 og er medlem av sentralstyret i Europabevegelsen frå 2011.

• Arbeidarpartiet
• Stortinget
• stortingsrepresentant

• Stortinget: Laila Gustavsen