Memurutindan – Store norske leksikon

Faktaboks

Memurutindan

Etymologi: elvenamnet Memurua, av norrønt Mara, kanskje frå marr, ‘hest’, eller mara, ‘grave’.

Memurutindan er ei rekke med spisse tindar i Lom kommune, nord for Gjende i Jotunheimen. Memurutindan omkransar Austre Memurubrean.

Høgast er Store Memurutinden (2366 meter over havet) mellom Veobrean og Austre Memurubrean. Vestre Memurutindan reiser seg mellom Austre og Vestre Memurubrean; fleire av toppane her er over 2200 meter over havet.

Frå Austre og Vestre Memurubrean kjem bekkar som samlar seg i elva Muru og renn gjennom Memurudalen ut i Gjende ved Memurubu turisthytte. Fjellet mellom dalen og Gjende heiter Memurutunga.

Historikk

Store Memurutinden vart nådd første gongen i 1881 av Thomas Johannessen Heftye og Knud Vole. Vestre Memurutindan (2230 moh.) vart klatra av William Cecil Slingsby, Algernon Dewhurst og Rolv Alfsen i 1874. I 1939 nådde Rolv Ødegaard, Hans Kolberg og Rolf Raabe toppen på Austre Memurutinden (2299 moh.).

Kart

Les meir i Store norske leksikon

Litteratur

Johnsen, Ben. (1995). Jotunheimens stortopper. Universitetsforlaget.
Aasgaard, Jan. (2016) Jotunheimen gjennom historien. Dreyer.

Kommentarar (2)

19. mars 2017 skreiv Geir Thorsnæs

Tittelen på denne artikkelen bør være Memurutindan som i Kartverkets Norgeskart. Det er henvist til Memurutindan fra artikkelen Jotunheimen. Tilsvarende gjelder for tittelen på artikkelen Hellstugutindane som bør endres til Hellstugutindan. Også til denne er det henvist fra Jotunheimen. Med hilsen Geir Thorsnæs

20. mars 2017 skreiv Lars Mæhlum

Det er ordnet. Takk for tips.

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må vere logga inn for å kommentere.

Fagansvarleg for Norges høyeste fjell

Per Roger Lauritzen