Kolin Ukko-luondokeskukses Lieksas kevätkuun allus avatah ozuttelu, kudamas on taigan taigua-tiedohuttu.
Pagin on jovensuulazen sarjukuvataidoilijan Sanna Hukkazen Etnografan kierdäi kodimuzei -nimizes ozuttelus, kudai srojihes hänen Taiga-komiksual’bomas ymbäri.
Taiga pohjavuu Hukkazen piirtylöile päivykirjumerkičendöile matkois suomelas-ugrilazeh muailmah enne koronua da voinua, konzu kul’tuuruyhtesruadoh sugurahvahienke oli vie mahtuo.
Meččyhalličuksen tiijoittehes sanotah, gu suomelaine sarjukuvataidoilii da moskovalaine lingvistu vastatah matkoin aigua moizii varavonalazii kielii puolistajii aktivistoi, kui ezimerkikse hierus eläjii buaboloi, linnalazii nuorii sego tiedoiniekkoi, kudamien starinat suajah heijän muailmankuvat halgiemah.
Nygy-Ven’al vähembistörahvahat voijah pläššie da ozutellakseh ekzouttizis ruutis da sovis, ga omakieline radivoazemu on jo liigua. Matkuniekat tuttavutah sežo miifiellizen kondien da kuldazen jumalattaren kel.
Etnografan kierdäi kodimuzei on nähtävänny Ukon yläkerroksen vaihtujien ozutteluloin tilas 3.3.–28.4.2025.
Kolin Ukossa on kevättalvella esillä näyttely, jossa on taigan taikaa
