PKS Sähkönsiirto iärestyttäy vertol’otal oksii sähköliinielöin lähäl Liberis nedälil 20.
Vertol’ottuoksindua luajitah nenga 60 kilometrin piduhizel matkal Komperon, Korbivuaran da Paloniemen alovehil.
Konehellizes oksindas vertol’ottu lendäy madalal elektroliinielöin vieres, konzu vertol’ottah kiinnitetty pila katkou liinien lähäle tulijoi oksii.
Oksindan tarkoituksennu on varmistua mahtollizembah häirivötöi sähkönjuandu kabrastamal da oksimal ilmujohtoalovehet alalleh.
Vertol’otan ližäkse paikal ruadau varmistusruadai, kudai andau ohjavuo lendäjäle muastospäi.
Uuttu tehnolougiedu abuh
PKS Sähkönsiirto enzimäzenny hyövyndäy Suomes uuttu tehnolougiedu oksindas.
Aijemba luajittuloin tarkastuslendoloin aigua kerätyt kazvilližusdogadindat ajetah tiedosistiemas läbi. Nenga suadu analiziiruičusmalli tunnistau net kabrastettavat johtovuitit, kudamien oksindal suajah mahtollizembah suuri hyödy.
Specialistu tarkastau kabrastandah niškoi ehoitetut johtovuitit enne niilöin siirdämisty vertol’ottulendäjäle.
– Aijemba kabrastamizet on luajittu vaigu ristikanzoin väil, mi on olluh ylen hil’l’aine dielo, nenga sanou ylehisplaniiruiččii Juha Pehkonen.
Helikopteri sahaa oksia sähkölinjoilta tällä viikolla Liperissä
