Karjalan Liitto on luadinuh evakkoh lähtenyzien ristikanzoin ezinehis virtualizen ozuttelun.
Koispäi lähtendän täh evakkoloil pidi smiettie paiči muudu ruadobrujien, tekstiil’oin, fotokuvien da monien toizien ezinehien merkičysty.
Ozuttelus on ezimerkikse svuad’bupodarkakse suadu fotokuva-al’bomu, kamodu, kangaspuut da punottu jauhovakku. Jogahizeh ezineheh liittyy starin, da net sanellah sežo eri paikkukundien evakkohistourieh näh.
Virtualine ozuttelu ei ole sivottu aigah libo kohtah, se vai löydyy Karjalan Liiton saital.
Saital voit mugaže tuttavuo moizih Suomen eri čuril löydyjih karjalazih muzeiloih, kui ezimerkikse Nurmeksen Bombah.
Konzu voinu Nevvostoliittuo vastah loppihes, pidi jiännyöh Suomeh sijoittua nenga 430 000 siirdolastu. Heis 407 000 oldih karjalazii. Kodirannalpäi iäres jovvuttih lähtemäh sežo petsamolazet sego vuitti Sallan da Kuuzamon eläjis, kaikkiedah 23 000 hengie.
Voinien jälgeh siirdolastu oli 11 prosentua muan kaikis eläjis.
