Karjalan Sivistysseura palkiččou pro gradu -tutkielman libo diplomuruavon Karjalan da karjalažuoh näh.
Sebru kyzyy vuvven loppussah ehoituksii vereksis pro gradu- libo diplomuruadolois, kuduat käziteltäs Vienan da Anuksen Karjalua sego Raja-Karjalua. Sebran tiijoittehen mugah tutkielman tiijonalua ei ole rajoitettu. Se voibi olla kieleh, kul’tuurah, histourieh, yhtehiskundah, poliitiekkah, luondoh, talovuoh libo mihgi tabah alovehen elokseh da ruandah näh. Palkinduo andajes huomavoijah paiči muudu ruavon merkičys da kiinnostavus.
Ehoituksen palkittavas ruavos voibi työndiä tutkielman luadii, ohjuaju libo opastunduainehen evustai. Ehtonnu on se, gu tutkielmu olis hyväksytty 1.8.2022−30.11.2024.
Tuhanden euron palkindon suaju sanotah julgi sulakuul 2025 sebran vuozikerähmös da pruazniekas Oulus.
Karjalan Sivistysseura on perustettu vuvvennu 1906. Sebru jagau tunnustuspalkindon pro gradu -tutkielmas libo diplomuruavos Karjalah da karjalažuoh näh joga tostu vuottu.
