Oassi artihkkala sisdoaluin ii vealtameahttumit doaimma ovdamearkka dihte šearbmalohkanprográmmain.
Mihcamáraid áigge leat dávjá Suoma beal Sámis konfirmašuvnnat. Dalle boares dábi miel mánnávuohta báhcá duogábeallái ja nuorat besset geahčadit boahttevaš guoimmi.
Konfirmašuvnnat maid dagahit go galgá ordnet nuoraide čiŋaid. Máŋgasat gorrot ieža gávtti konfirmántii, muhto muhtimat maid diŋgojit duojáriin. Ristvánhemat soitet oassálastit čiŋaid skáhppomii.
Olbmot hálidit muitit konfirmánttaid iešguđet láhkai. Muhtimat ostet man nu duoji dahje eará muitodávvira, nuppit fas bidjalit ruđa konfaluhta sisa. Ovdal lávijedje guossit maid hoigadit suoli ruđa konfirmántta čorpma sisa go buorastahtte.
Mo don hálidat muitit konfirmántta? Attátgo man nu dávvira skeaŋkan vai ruđa? Muital midjiide, mii čohkket vástádusain ášši.
Jus liŋka ii doaimma, de sáhtát vástidit dáppe.
Beaividuvvon: 7.6.2024 diibmu 13:16: Lasihuvvon Forms-liŋka.
