Njuike sisdoaluide
Njuike sisdoaluide
Sápmi
Biras

Áŋŋelis bulii eana viiddes guovllus – barta, sávdni ja ássanvovdna bulle gutnan

Čáskkadanbarggut biste gaskaija rádjai.

Maa on palanut laajalti Lintupuolivaarassa Angelissa. Vaaran päällä on pystyssä laavu, joka on säästynyt palolta.
Eana lea buollán 3–4 hehtára sturrosaš guovllus Loddebealváris, Áŋŋelis. Govva: Kirsti Länsman / Yle
  • Linnea Rasmus
  • Pekka Viinikka

Áŋŋela Loddebealváris ledje jođus čáskkadandoaimmat duorastateahket. Báiki lea Anára ja Áŋŋela gaskasaš geainnu guoras vehá ovdal Áŋŋela giláža.

Eana árvaledje vuos leat buollán goittot logi hehtára sturrosaš guovllus. Maŋŋá čielggai ahte buollinguovlu lei 3–4 hektára. Maiddái unna barta, sávdni ja ássanvovdna bulle gutnan. Visttiin eai lean olbmot.

Báikki alde ledje čieža gádjunlágádusa čáskkadanbiilla Anáris, Avvilis ja Gáregasnjárggas. Báikki alde veahkkin lei maiddái gádjunhelikopter Aslak. Lappi gádjunlágádus oaččui dieđu buollimis beal viđa sulaid guovllus girdán gohcingirdis.

Paloautoja Inarin Angelissa sammuttamassa maastopaloa.
Báikki alde leat máŋga gádjunlágádusa čáskkadanbiilla. Govva: Kirsti Länsman / Yle

Lappi gádjunlágádusa stašuvdnameašttir Jyrki Jefremoff muitalii báikki alde, ahte čáskkadanbargguin leat galgan váldit vuhtii dan, ahte ovtta vistti siste ledje guokte gássaboahtala.

Buollima siva eai vel dieđe, muhto davvin eana leamašan guhká jaŋas ja lea bieggan, muitala Rankinen.

Jefremoff árvala, ahte buollinbáikki gártet fáktet vel moadde beaivvi.

Dievasmahtton diibmu 21.06 Jyrki Jefremoff kommeanttain. Vuorká rievdaduvvon sávdnin.

Dárkkálmahtton 16.9. dii. 9.54 buollinguovllu árvaluvvon viidodagain.