Suomi on sijoitannuhes kaheksattu kerdua peräkkäi muailman ozakkahembakse muakse. Tämä tiijustettih tänäpäi jullatus Muailman ozakkahusraportaspäi.
Raportas muat azetutah jälletykseh kanzalazien kyzelyn tuloksien pohjal. Jogahizes muaspäi kyzelyh vastuau nenga tuhat hengie. Vastuajii kyzytäh arvivoimah omassah nygösty elostu astehikol 0–10. Parastu mahtollistu elostu kuvuau arvosana 10 da pahimua mahtollistu arvosana 0.
Luvettelo roihes jogahizen muan jälgimäzen kolmen vuvven vastavuksien keskiarvivolois. Suomen vastavuskeskiarvo uvves raportas on 7,736.
Muut Pohjazet muat lövvytäh sežo tänä vuon luvettelon teräpiäs:
Costa Rica da Meksika nostah kymmenen teräle enzimästy kerdua. Yhtysvallat pakutah luvettelos niilöin histourien madalimale sijale ollen 24.
Luvettelon jälgimäzekse sijoittuu mullozeh tabah Afganistan. Toizekse jälgimäzenny on Sierra Leone da kolmandekse jälgimäzenny Libanon.
World Happiness Report -raportua on jullattu vuvves 2012 algajen. Sen luajindah niškoi on tulluh vuozien aloh sežo kriitiekkua.
Raportan julguandas vastuau Oxfordan yliopiston Wellbeing Research Center.
Kevätkuun kahteskymmenes päivy on YK:n julgisanottu muailman ozakkahuspäivy.
Suomi on kahdeksatta vuotta perättäin maailman onnellisin maa
